ՀՀ դատարանների նախագահների խորհրդի որոշմամբ Շիրակի մարզի ընդհանուր իրավասության առաջին ատյանի դատարանի դատավոր Արտակ Թադևոսյանին և Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի դատավոր Մեսրոպ Մակյանին սեպտեմբերի 25-ից վեց ամիս ժամկետով գործուղվել են Երևան քաղաքի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարան:
Այս մասին տեղեկանում ենք Դատարանների նախագահների խորհրդի որոշումից:
Նշենք, որ Էրեբունի եւ Նուբարաշեն վարչական շրջանների ընդհանուր իրավասության դատարանի նախագահ Արթուր Օհանյանը դիմել է խորհրդին՝ նշելով, որ ներկայումս քրեական մասնագիտացումով այս դատարանում 4 դատավորի կարիք կա։
Դատավոր Արտուշ Գաբրիելյանի անունը դուրս է բերվել գործերի բաշխման ցանկից՝ գերծանրաբեռնվածության հետևանքով, իսկ դատավոր Աննա Դանիբեկյանի անունը նույնպես դուրս է բերված ցանցկի՝ ժամանակավոր անաշխատունակության վիճակում, իսկ մյուս դատավոր Վարդան Գրիգորյանի զբաղվածությունը նույնպես 100 տոկոս է։
