Հունիսի 16-ին արտաքին գործերի նախարար Էդվարդ Նալբանդյանը հրաման է ստորագրել, որով հաստատվել է ԱԳՆ-ի գաղտնագրման ենթակա տեղեկությունների ընդլյանված ցանկը: Ի դեպ, հրամանում նշվում է, որ հրամանի բովանդակությունը համաձայնեցվել է ԱԱԾ ղեկավար Գեորգի Կուտոյանի հետ:
Հրամանում նշվում է.
«Ղեկավարվելով «Պետական և ծառայողական գաղտնիքի մասին» Հայաստանի Հանրապետության օրենքի 12-րդ հոդվածի 7-րդ պարբերությամբ`
Հրամայում եմ՝
1. Հաստատել Հայաստանի Հանրապետության արտաքին գործերի նախարարության համակարգի գաղտնագրման ենթակա տեղեկությունների ընդլայնված գերատեսչական ցանկը` համաձայն հավելված 1-ի:
2. Գաղտնի:
|
Նախարար՝ |
Է. Նալբանդյան |
|
ՀԱՍՏԱՏՈՒՄ ԵՄ
|
ՀԱՄԱՁԱՅՆԵՑՎԱԾ Է |
|
Հայաստանի Հանրապետության |
Հայաստանի Հանրապետության ԿԱ |
ՀԱՎԵԼՎԱԾ 1
ՀՀ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ ՀԱՄԱԿԱՐԳՈՒՄ ԳԱՂՏՆԱԳՐՄԱՆ ԵՆԹԱԿԱ ՏԵՂԵԿՈՒԹՅՈՒՆՆԵՐԻ ԸՆԴԼԱՅՆՎԱԾ ԳԵՐԱՏԵՍՉԱԿԱՆ Ց Ա Ն Կ
|
Հ/հ |
Տեղեկությունների բովանդակությունը |
|
1 |
Նախարարության տարեկան քաղաքական հաշվետվությունը, օտարերկրյա պետություններում ՀՀ դիվանագիտական ներկայացուցչությունների և հյուպատոսական հիմնարկների տարեկան հաշվետվությունները և տարեկան քաղաքական նամակները |
|
2 |
ՀՀ արտաքին քաղաքականության, արտաքին առևտրի, գիտատեխնիկական կապերի վերաբերյալ ՀՀ արտաքին քաղաքականության ռազմավարությունը և մարտավարությունը բացահայտող տեղեկություններ, որոնց վաղաժամ տարածումը կարող է վնաս հասցնել պետության շահերին |
|
3 |
Զինված ուժերի, այլ զորքերի և քաղաքացիական պաշտպանության ուժերի տեղաբաշխումը, իրական անվանումները, կազմակերպչական կառուցվածքը, զինվածությունը, թիվը բացահայտող տեղեկությունները, որոնք ՀՀ միջազգային պարտավորություններին համապատասխան ենթակա չեն բաց հրապարակման |
|
4 |
Տեղեկատվություն միջազգային պայմանագրերի և պայմանավորվածությունների վերաբերյալ, որոնց գաղտնի լինելու մասին առկա է պայմանավորվող կողմերի համաձայնությունը կամ ՀՀ միջազգային պարտավորություններին համապատասխան ենթակա չեն բաց հրապարակման |
|
5 |
Տեղեկատվություն դեսպանընկալ երկրների բարձրաստիճան պաշտոնատար անձանց հետ կայացած բանակցային զրույցների գրառումների վերաբերյալ |
|
6 |
Տեղեկություններ ՀՀ դիվանագիտական ներկայացուցչություններում և հյուպատոսական հիմնարկներում նախատեսվող տեղաշարժերի մասին, նախքան դրանց պաշտոնական հրապարակումը |
|
7 |
Նախարարության քաղաքացիական պաշտպանության պլանները |
|
8 |
Նախարարության խաղաղից պատերազմական ժամանակաշրջանի փոխադրման պլանները, ուսումնական վարժանքների ու մարզումների նախապատրաստման և անցկացման վերաբերյալ փաստաթղթերը |
|
9 |
Տեղեկություններ ՀՀ բարձրաստիճան պաշտոնական պատվիրակությունների այլ պետություններ կատարվելիք այցերի նախապատրաստման մասին, մինչ դրանց պաշտոնական հրապարակումը |
|
10 |
Օտարերկրյա պետություններում ՀՀ դիվանագիտական ներկայացուցչությունների և հյուպատոսական հիմնարկների հետ հատուկ գաղտնագրված կապի համակարգին վերաբերող տեղեկությունները |
|
11 |
Քաղաքացիների անձնական տվյալներ պարունակող տեղեկությունները, որոնք ՀՀ օրենսդրությամբ սահմանված կարգով հրապարակման ենթակա չեն, այդ թվում դիվանագիտական անձնագիր ունեցող անձանց մասին |
|
12 |
ՀՀ ԱԳՆ համակարգի ֆինանսական հարցերը, որոնք սահմանված կարգով հրապարակման ենթակա չեն ա) քարոզչական նպատակների հատկացումները բ) գործուղումների ծախսերը գ) ներկայացուցչական ծախսերը դ) օտարերկրյա պետություններում ծառայողական շենքերի և տարածքների վարձակալման վարձավճարները |
ՀՀ ԱԳՆ մշտական գործող հանձնաժողովի նախագահ
ՀՀ ԱԳՆ աշխատակազմի ղեկավար – գլխավոր քարտուղար»:
