Երևանի քաղաքապետարանի «Երևանյան ամառ 2017» եռամսյա միջոցառումների ծրագրի շրջանակում մայրաքաղաքի Հանրապետության հրապարակում տեղի է ունեցել երգող շատրվանների նոր երաժշտացանկի շնորհանդեսը, որը մեկնարկել է գեղեցիկ ֆլեշ-մոբով. ազգային և ժողովրդական երաժշտության և շատրվանների ռիթմիկ ջրացայտերի ներքո երիտասարդները ներկայացրել են գեղեցիկ պարային կատարումներ:
Միջոցառմանը ներկա է գտնվել նաև Երևանի քաղաքապետի տեղակալ Արամ Սուքիասյանը, ով նշել է, որ գունաձայնային շատրվանների նոր երաժշտացանկը կազմվել է երաժշտական տարբեր ուղղություններ ներկայացնող երգերից ու երաժշտություններից, որպեսզի հնարավորին բավարարի բոլոր երաժշտասերների երաժշտական նախապատվություններն ու ճաշակը: Ցանկում ներառված են ինչպես հայկական, այնպես էլ արտասահմանյան բազմաժանր ստեողծագործություններ՝ դասականից մինչև ժամանակակից:
