Հյուրընկալվել են իրենց ընկերոջ տուն ու տեսնելով կոնյակների հավաքածուն՝ գայթակղվել, գողացել դրանք:
Մեղադրական եզրակացության համաձայն՝ Անուշավան Ավետիսյանն և Աշոտ Թորոսյանը 2015թ. մայիսին հյուրընկալվել են Ս.Մ-ի առանձնատուն: Թորոսյանը հաստատ իմանալով, որ վերջինիս բնակարանի 2-րդ հարկում գտնվող հյուրասենյակի պատի մեջ հավաքված դարակաշարի վրա կոնյակների և ծխախոտների հավաքածուներ կան, առաջարկել է տանտիրոջը, որպեսզի նա իր հավաքածուից բերի և միասին խմեն: Տանտերը մերժել է Թորոսյանին, նա էլ կոնյակների առկայության մասին հայտնել է Անոշավանին, ասել, որ նա այդտեղից կոնյակներ գողանա և դնի իր անձնական օգտագործման մեքենայի մեջ:
Անուշավանը, լսելով հորդորները, մտել է հյուրասենյակ ու գաղտնի հափշտակել զգալի չափի արժողության թվով 4 հատ 0,5լ տարողության ԽՍՀՄ արտադրության կոնյակներ՝ պատճառելով շուրջ 140.000 ՀՀ դրամի վնաս:
Նրանց նկատմամբ որպես խափանման միջոց է կիրառվել՝ ստորագրություն՝ չհեռանալու մասին:
Գործը քննվում է Գեղարքունիքի մարզի Ճամբարակի նստավայրի ընդհանուր իրավասության դատարանում՝ դատավոր Մնացական Հարությունյանի նախագահությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
