Հուլիսի 4-ին ՀՀ սահմանադրական դատարանում տեղի ունեցավ ՀՀ Նախագահին առընթեր սահմանադրական բարեփոխումների իրավական ապահովմանն աջակցող մասնագիտական խորհրդակցական խորհրդի հերթական նիստը:
Խորհրդի քննարկման առարկա դարձան «ՀՀ դատական օրենսգիրք» սահմանադրական օրենքի նախագծի նախապատրաստման հետ կապված մի շարք հարցեր, ինչպես նաեւ սահմանադրական փոփոխությունների կատարման արդյունքում ընդունման, փոփոխման կամ լրացման ենթակա օրենքների, նախագծերի մշակման ընթացքի վերաբերյալ ՀՀ Նախագահի 2016 թվականի փետրվարի 10-ի թիվ 170 Ա հրամանագրով եւ ՀՀ կառավարության 10. 03. 2016 թվականի թիվ 245 Ա, 06. 04. 2016 թվականի թիվ 359 որոշումների համաձայն, 2015 թվականի սահմանադրական փոփոխություններից հետո ընդունման, փոփոխման կամ լրացման ենթակա օրենքների մշակման ընթացքի վերաբերյալ հարցեր: Բացի այդ, քննարկվեցին ՀՀ արդարադատության նախարարի ներկայացրած եւ խորհրդատվական եզրակացություն պահանջող մի շարք հարցադրումների հետ կապված հարցեր:
Խորհուրդը դրանց վերաբերյալ ընդունեց համապատասխան եզրակացություններ: Այս մասին տեղեկացնում են ՀՀ ՍԴ մամուլի ծառայությունից:
Իրավաբան.net
