«Շտապբուժօգնություն» ՓԲԸ-ն գնել է «Հյունդայի Էլանտրա» մակնիշի նոր ավտոմեքենա։ Այս նպատակով ՓԲԸ-ն 2016թ․ դեկտեմբերի 19-ին պայմանագիր է կնքել «Մագաս Ինվեստ» ՓԲԸ-ի հետ։
Պայմանագրից տեղեկանում ենք, որ ավտոմեքենան 2014թ․ արտադրության է և չօգտագործած, առավելագույն վազքը 20 կմ է։
Ավտոմեքենան հագեցած է բոլոր հարմարություններով, ունի քրոմապատ ռադիատորի ցանց, դռան արտաքին և ներքին բռնակներ, մոխրաման։
Ավտոմեքենայի գինն, ըստ պայմանագրի 7 մլն 880 հազար դրամ է, որը համարժեք է 16 հազար դոլարի։
Թե ինչու է ՓԲԸ-ն նման ավտոմեքենա ձեռք բերել, շտապօգնության ավտոմեքենայի փոխարեն, մեր բանավոր հարցմանը ընկերության տնօրեն Շուշանիկ Ստեփանյանը չցանկացավ պատասխանել՝ խնդրելով գրավոր ուղարկել հարցերը։ Հարցումն արդեն կատարվել է:
Գևորգ Թոսունյան
