Ուժի մեջ է մտել ՀՀ կառավարության նոր որոշումն, ըստ որի՝ ՀՀ արդարադատության նախարարության աշխատակազմի շարժական գույքի նկատմամբ ապահովված իրավունքների գրանցման գործակալությունը միացվել է ՀՀ ԱՆ աշխատակազմի իրավաբանական անձանց պետական ռեգիստրի գործակալությանը: Այս
Որոշման մեջ մասնավորապես ասվում է.
1. Հայաստանի Հանրապետության կառավարության 2015 թվականի հունիսի 10-ի «Շարժական գույքի նկատմամբ ապահովված իրավունքների գրանցամատյանից տեղեկատվություն և քաղվածքներ տրամադրելու կարգը հաստատելու մասին» N 633-Ն որոշման մեջ կատարել հետևյալ փոփոխությունները`
1) N 1 հավելվածի`
ա. 2-րդ կետը շարադրել հետևյալ խմբագրությամբ.
«2. Գրանցամատյանի տեղեկությունները բաց են համընդհանուր ծանոթացման համար: Գրանցամատյանի տեղեկությունները հասանելի են տեղեկատվական համակարգի միջոցով` www.registration.am կայքից` առանց վճարում կատարելու:»,
բ. 3-րդ կետը շարադրել հետևյալ խմբագրությամբ.
«3. Գրանցամատյանը վարում է Հայաստանի Հանրապետության արդարադատության նախարարության իրավաբանական անձանց պետական ռեգիստրի գործակալությունը: Տեղեկատվությունը տրամադրվում է դիմումն ստանալուց հետո` անմիջապես:»,
գ. 4-րդ կետում «Գործակալության» բառը փոխարինել «www.registration.am» բառերով,
դ. 5-րդ կետում «գործակալության պաշտոնական ինտերնետային» բառերը փոխարինել «www.registration.am» բառերով.
2) N 2 հավելվածի 1-ին կետում «շարժական գույքի նկատմամբ ապահովված իրավունքների գրանցման» բառերը փոխարինել «իրավաբանական անձանց պետական ռեգիստրի» բառերով:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը»:
Նշենք, որ «www.registration.am» էլեկտրոնային համակարգը ապահովում է քաղաքացիների մուտքը շարժական գույքի նկատմամբ ապահովված իրավունքների գրանցամատյան և կհանդիսանա ուղեցույց գրանցումներ կատարելու, որոնելու և շարժական գույքի նկատմամբ ապահովված իրավունքների վերաբերյալ տեղեկատվություն ստանալու համար:
