Հունահռոմեական ոճի ռուսաստանաբնակ հայ ըմբշամարտիկ Միհրան Հարությունյանը դարձել է կրակոցով զուգորդված ծեծկռտուքի մասնակից։ Այս մասին տեղեկացնում է Life.ru-ն՝ մանրամասնելով, որ միջադեպն արձանագրվել է Մոսկվայի կենտրոնում։
Նշվում է, որ նա իր 34-ամյա ընկերոջ Սամվել Ավեդյանի հետ գտնվել է ավտոմեքենայում, տղամարդկանց խաղաղ զրույցը արագ վերաճել է վիճաբանության և ծեծկռտուքի։
Միջդեպն ավարտվել է հրազենից արձակված առաջին կրակոցից հետո։ Սամվել Ավեդյանը ստացել է հրազենային վիրավորում ոտքի հատվածում, դեպքի վայր է ժամանել ոստիկանությունը։
Պարզվել է, որ Հարությունյանը կրում է ատրճանակ, ընդ որում՝ ինչպես ինքը՝ մարզիկը, այնպես էլ տուժողը հայտնել են իրավապահներին, որ կրակոցը պատահաբար է արձակվել, երբ նրանք կռվելիս են եղել։
Ավեդյանը հրաժարվել է հոսպիտալացումից, չի ցանկացել նաև հաղորդում ներկայացնել ոստիկանություն, իր հերթին Հարությունյանը հայտարարել է, որ որևէ բողոք չունի։
