Իրավաբան.net-ի տոնական հարցերին պատասխանում է Հայաստանի լավագույն փաստաբաններից Լիպարիտ Սիմոնյանը:
-Պարոն Սիմոնյան, ըստ Ձեզ, ինչո՞վ էր առանձնահատուկ 2015 թվականը` իրավական ոլորտում կատարված փոփոխությունների առումով: Ի՞նչ ձեռքբերումներ և բացթողումներ եղան:
–Իրականում ձեռքբերումների մասով որևէ բան չեմ կարող ասել, իսկ բացթողումների մասով՝ նոր Սահմանադրության ընդունումը մարդու իրավունքների ոլորտում կարելի է ետ քայլ համարել:
–Ո՞րն էր այն քայլը, որը միգուցե մեծ հարված էր արդարդատության համակարգին:
-Ստիպված եմ կրկնել` նոր Սահմանադրության ընդունումը:
–Ո՞րն էր Ձեզ համար ամենազդեցիկ դատական գործը:
– Աշոտ Առուշանյանի գործը:
–Ո՞վ է այն իրավաբանն, ով այս տարի առավելապես աչքի ընկավ իր ազնվությամբ և մասնագիտական լուրջ գիտելիքներով ու հմտություններով:
-Փաստաբան Հայկ Ալումյանը:
–Աբսուրդային իրավական փաստաթղթեր հանդիպե՞լ եք այս տարի, որո՞նք էին և ինչու՞:
-Բոլոր տարիների համար ինձ համար ամենաաբսուրդային երևի կմնա «վարկածի հիման վրա» կայացված մեղադրական դատավճիռը (Խոսքը շուրջ 3 տարի կալանքի տակ գտնվող 28-ամյա Աշոտ Առուշանյանի գործի մասին է, ով դատապարտվել է 56 մլն դրամի գողությանը աջակցելու համար,- հեղ.):
–Ամենազավեշտալի դեպքը, որ պատահեց աշխատանքի ընթացում:
– Բոլոր դատական նիստերը:
–Ձեր բալիկներն ի՞նչ եք խնդրել Ձմեռ Պապիկից:
-Ամեն օր մի բան խնդրում են, 7 տարեկան աղջիկս` տիկնիկ և նման բաներ, իսկ 9 տարեկան տղաս` հրացան և Ռոբին Հուդի մասին գիրքը:
–Ինչպե՞ս եք դիմավորում Ամանորը:
-Տանը:
-2016-ից Ձեր ակնակալիքներն ու մաղթանքը:
-Նույնիսկ պատերազմի ժամանակ/1992-1994թթ/ խրամատներում ասում էինք՝ թող խաղաղություն լինի, հեչ էլ թե պատերազմ չի: Այնպես որ ցանկանում եմ, որ խաղաղություն լինի, իսկ մնացածը փորձենք բոլորով ստեղծել:
