Փարիզում տեղի ունեցած ահաբեկչական պայթյուններից և հարձակումներից տուժողների թիվը հասել է 250-ի. այս մասին գրում է «Նովոստի» գործակալությունը` հղում անելով «Ֆրանս Պրեսս» գործակալությանը, ում տեղեկությունը հայտնել են քաղաքի դատախազությունից:
Ավելի վաղ իրավապահ մարմինները հայտնել էին 128 անձի մահվան և 180 վիրավորի մասին, որոնցից 99-ի վիճակը ծայրահեղ ծանր է:
Նշենք, որ ուրբաթ երեկոյան Փարիզի տարբեր շրջաններում ահաբեկչական գործողություններ են կատարվել: Անհայտ անձիք կրակահերթ են սկսել քաղաքի կենտրոնի ռեստորաններից մեկում, 3 պայթյուն է եղել «Ստադ դե Ֆրանս» մարզադաշտի մոտակայքում, որտեղ Գերմանի-Ֆրանսիա ֆուտբոլային հանդիպումն էր ընթանում: Մարզադաշտում է եղել Ֆրանսիայի նախագահ Ֆրանսուա Օլանդը:
Իսկ «Բատակլան» թատրոնում ռոք-համերգի ժամանակ անհայտ զինված անձիէ ներխուժել և գերի են վերցրել համերգի ներկաներին:
