Կալիֆորնիայի ոստիկանական բաժանմունքները ճանաչում են կասկածյալներին` օգտագործելով բջջային կենսաչափական սարքեր, որոնք տեսագրում են մատնահետքերը, դեմքերը և անգամ դաջվածքները: Այս մասին տեղեկանում ենք Abajournal.com-ից:
Ըստ աղբյուրի` «Էլեկտրոնային սահման» հիմնադրամը (Electronic Frontier Foundation) MuchRuck-ի հետ միացյալ ծրագրով ուսումնասիրել է, թե ոստիկանները ինչպես են օգտագործում բջջային սարքերը: Ավելի քան 30 գործակալություններ տրամադրել են հազարավոր էջերով փաստաթղթեր, ներառյալ Կալիֆորնիայի ինը ոստիկանական գործակալությունները: Սրանցից չորսը (Լոս Անջելսի կոմսությունը, Սան Դիեգոն, Քարսբադը և Սան Դիեգոյի կառավարության ասոցիացիան) դեմքը ճանաչելու համար օգտագործում են սմարթֆոնի ծրագիրը ինչպես նաև բջջային ծրագիրը: Իսկ հինգը` Բրենթվուդը, Լոս Անջելսի կոմսությունը, Մարինի կոմսությունը, Փասադենան և Սան Ջոսեն, տեսագրում են մատնահետքերը:
Լոս Անջելսի կոմսությունը օգտագործում է նաև դաջվածքի ճանաչման ծրագիրը:
Պատրաստեց՝ Մարիամ Սիմոնյանը
