Ինպե՞ս դառնալ օրինավոր վարորդ և խնայել տուգանքների համար մուծելիք գումարները: Պատասխանը հետևյալն է. տրանսպորտային միջոցների վարորդները պետք է պահպանեն ճանապարհային երթևեկության կանոնները, որը անելու նպատակով պարտավոր են.
- Կատարել ճանապարհային նշանների կամ ճանապարհային գծանշումների պահանջները: Չկատարման դեպքում կտուգանվեն հինգ հազար դրամի չափով:
- Կատարել տրանսպորտային միջոցների երթևեկության հակադիր հոսքերն իրարից բաժանող գծանշումների պահանջները: Չկատարման դեպքում կտուգանվեն տաս հազար դրամի չափով:
- Ճանապարհը զիջել երթևեկության առավելություն ունեցող մասնակցին: Չզիջման դեպքում կտուգանվեն հինգ հազար դրամի չափով:
- Ճանապարհը զիջել կարմիր և (կամ) կապույտ լուսային ազդանշանով առկայծող փարոսիկներ միացրած և միաժամանակ հատուկ ձայնային ազդանշաններ արձակող տրանսպորտային միջոցին: Չզիջման դեպքում կտուգանվեն քսան հազար դրամի չափով:
- Չխախտել խաչմերուկների անցման կանոնները: Խախտման դեպքում կտուգանվեն հինգ հազար դրամի չափով:
- Չխախտել հետիոտնային անցումների հատման կանոնները: Խախտման դեպքում կտուգանվեն հինգ հազար դրամի չափով:
- Չխախտել ընդհանուր օգտագործման տրանսպորտային միջոցների կանգառի կետերի անցման կանոնները: Խախտման դեպքում կտուգանվեն երեք հազար դրամի չափով:
- Չխախտել վազանցի կանոնները խախտելը: Խախտման դեպքում կտուգանվեն հինգ հազար դրամի չափով:
- Չխախտել երթևեկությունն սկսելու կամ մանևր կատարելու, ինչպես նաև հետընթաց վարման կանոնները: Խախտման դեպքում կտուգանվեն հինգ հազար դրամի չափով:
- Չխախտել մարդկանց փոխադրման կանոնները: Խախտման դեպքում կտուգանվեն հինգ հազար դրամի չափով:
- Թեկուզ մեկ ձեռքի օգտագործմամբ չօգտվել ընթացքի ժամանակ ռադիոկապից և (կամ) հեռախոսակապից (բացառությամբ ծառայողական առաջադրանքներ կատարող, օպերատիվ ծառայությունների տրանսպորտային միջոցների վարորդների): Օգտվման դեպքում կտուգանվեն հինգ հազար դրամի չափով:
- Չխախտել արտաքին լուսային սարքերից օգտվելու կանոնները: Խախտման դեպքում կտուգանվեն երեք հազար դրամի չափով:
- Ճանապարհային երթևեկության կանոններով նախատեսված դեպքերում տրանսպորտային միջոցի հեռահար լույսը փոխարկել մոտակայի կամ արգելված դեպքերում տրանսպորտային միջոցը չվարել հեռահար լույսերով: Խախտման դեպքում կտուգանվեն տաս հազար դրամի չափով:
- Տրանսպորտային միջոցը չվարել միակողմանի երթևեկությամբ ճանապարհով տրանսպորտային միջոցների հոսքին հակառակ ուղղությամբ (այդ թվում` հետընթաց): Վարման դեպքում կտուգանվեն քսան հազար դրամի չափով:
- Տրանսպորտային միջոցը չվարել դռները բաց վիճակում, ընթացքի ժամանակ չբացել տրանսպորտային միջոցի դռները կամ չբացել կանգնած տրանսպորտային միջոցի դռները, եթե դա խոչընդոտում է երթևեկության մյուս մասնակիցներին, ինչպես նաև տրանսպորտային միջոցից չնետել իրեր և առարկաներ: Խախտման դեպքում կտուգանվեն հինգ հազար դրամի չափով:
- Չխախտել տրանսպորտային միջոցների քարշակման կանոնները: Խախտման դեպքում կտուգանվեն երեք հազար դրամի չափով:
- Շրջադարձ կամ հետադարձ կատարելու եղանակով չնախատեսված վայրերում չհատել ճանապարհի բաժանարար գոտին: Խախտման դեպքում կտուգանվեն քսան հազար դրամի չափով:
- Դուրս չգալ հանդիպակաց երթևեկության գոտի, եթե դա կապված չէ վազանցը թույլատրված տեղերում վազանց կատարելու կամ կանգնած տրանսպորտային միջոցը կամ խոչընդոտը շրջանցելու հետ, և եթե առանց հանդիպակաց երթևեկության գոտի դուրս գալու անհնար է շրջանցել կանգնած տրանսպորտային միջոցը կամ խոչընդոտը: Խախտման դեպքում կտուգանվեն երեսուն հազար դրամի չափով:
- Չխախտել ձայնային ազդանշանի կիրառման կանոնները: Խախտման դեպքում կտուգանվեն հինգ հազար դրամի չափով:
- Չխախտել կանգառի և (կամ) կայանման կանոնները խախտելը, եթե կանգառ կատարելու անհրաժեշտությունը կապված չէ տրանսպորտային միջոցի տեխնիկական կամ վարորդի կամ ուղևորի առողջական վիճակի հետ: Խախտման դեպքում կտուգանվեն հինգ հազար դրամի չափով:
- Չկայանել տրանսպորտային միջոցները, եթե դրա հետևանքով այլ տրանսպորտային միջոցների վարորդները ստիպված են եղել կանգ առնել կամ փոխել երթևեկության ուղղությունը, և եթե կայանելու անհրաժեշտությունը կապված չէ տրանսպորտային միջոցի տեխնիկական կամ վարորդի կամ ուղևորի առողջական վիճակի հետ: Խախտման դեպքում կտուգանվեն հինգ հազար դրամի չափով:
- Չխախտել կանգառի և (կամ) կայանման կանոնները, եթե կանգառ կատարելու անհրաժեշտությունը կապված չէ տրանսպորտային միջոցի տեխնիկական կամ վարորդի կամ ուղևորի առողջական վիճակի հետ, և եթե դրա պատճառով տրանսպորտային միջոցը տարհանվել է պահպանվող հատուկ տարածք: Խախտման դեպքում կտուգանվեն քսան հազար դրամի չափով:
- Չկատարել կանգառ կամ չկայանել կամ երթևեկելի մասի եզրին ոչ զուգահեռ չկայանել ընդհանուր օգտագործման տրանսպորտային միջոցների կանգառի կետի տարածքում: Խախտման դեպքում կտուգանվեն հինգ հազար դրամի չափով:
- Տրանսպորտային միջոցը չկանգնեցնել հետիոտնային անցման վրա, եթե դրա անհրաժեշտությունը կապված չէ տրանսպորտային միջոցի տեխնիկական կամ վարորդի կամ ուղևորի առողջական վիճակի հետ: Կանգնեցման դեպքում կտուգանվեն տանսհինգ հազար դրամի չափով:
- Չկայանել մայթերին կամ չերթևեկել մայթերով, բացառությամբ ճանապարհային նշաններով թույլատրված դեպքերի, ինչպես նաև չերթևեկել ստորգետնյա կամ վերգետնյա հետիոտնային անցումներով: Խախտման դեպքում կտուգանվեն քսան հազար դրամի չափով:
- Չխախտել վթարային ազդանշանի կամ «վթարային կանգառ» ճանաչման նշանի կիրառման կանոնները: Խախտման դեպքում կտուգանվեն հինգ հազար դրամի չափով:
- Դիտավորյալ չկատարել տրանսպորտային միջոցը կանգնեցնելու մասին ոստիկանության ծառայողի` օրենքով սահմանված կարգով տրված պահանջը: Խախտման դեպքում կտուգանվեն երկու հարյուր հազար դրամի չափով:
Հորդորում ենք պահպանել ճանապարհային երթևեկության կանոնները, խնայել ձեր և այլ անձանց առողջությունն ու գումարները:
