Ստրասբուրգի Մարդու իրավունքների եվրոպական դատարանը ընդունում է, որ Շվեյցարիան խախտել է Դողու Փերինչեքի խոսքի ազատության իրավունքը: Այս մասին գրում է Swissinfo.ch կայքը:
ՄԻԵԴ-ի մեծ պալատի 17 դատավորների որոշումը վերջնական է:
Դողու Փերինչեքը` Թուրքիայի բանվորական կուսակցության նախագահը, առաջին անգամ հայտնի դարձավ 2005թ.-ին, երբ Շվեյցարիայում երեք տարբեր հանրային միջոցառումների ժամանակ հայտարարեց, որ 1912-1918թթ.-ին Օսմանյան կայսրության ձեռքով իրականացված 800,000-1,800,000 հայերի մահը ցեղասպանություն չէ:
Դատարանն իր վճռում հայտարարել է, որ Փերինչեքի խոսքերը «չեն համապատասխանում ատելության կամ անհանդուրժողականության պաշտպանությանը»: Ըստ ՄԻԵԴ-ի շվեյցարական դատարանները «քննադատել են Փերինչեքին Շվեյցարիայում հնչեցրած կարծիքներին հակառակ մտքեր արտահայտելու համար» և պնդել, որ Փերինչեքի համոզմունքները անհրաժեշտ չէին հայկական համայնքի իրավունքները պաշտպանելու համար:
1923թ.-ին կնքված Լոզանի պայմանագրի 82-րդ տարեդարձի տոնակատարության ժամանակ (այդ պայմանագիրը պաշտոնապես հաստատում էր ներկայիս Թուրքիայի սահմանները) Փերինչեքը հայտարարեց, որ Առաջին համաշխարհային պատերազմի ավարտին հայերի զանգվածային սպանությունը ցեղասպանություն համարելը «միջազգային կեղծիք» էր:
Քանի որ իրադարձությունը տեղի էր ունեցել Լոզանում, Փերինչեքը խոսքերը որակվեցին հակասող հակառասիստական օրենսդրությանը:
Ժամանակագրությունը
2007թ.-ի մարտի 9-ին Դողու Փերինչեքը Լոզանի տեղական դատարանի կողմից մեղավոր ճանաչվեց հակառասիստական օրենսդրությունը խախտելու համար:
2007թ մարտի 12-ին Փերինչեքը բողոքարկում է Լոզանի դատարանի որոշումը:
2007թ.-ի դեկտեմբերի 12-ին Շվեյցարիայի ֆեդերալ դատարանը հաստատում է Լոզանի դատարանի որոշումը: Փերինչեքը բողոքարկում է Մարդու իրավունքների եվրոպական դատարան:
2013թ.-ի դեկտեմբերի 17-ին ՄԻԵԴ-ի ստորին դատարանը հաստատում է, որ Փերինչեքի ազատազրկումը նրա խոսքի ազատության խախտում է` համաձայն Մարդու իրավունքների Եվրոպական կոնվենցիայի:
2014թ.-ի մարտի 17-ին Շվեյցարիան բողոքարկում է ՄԻԵԴ-ի ստորին դատարանի որոշումը ՄԻԵԴ-ի վերին պալատ:
2015թ.-ի հունվարի 28-ին տեղի ունեցավ ՄԻԵԴ-ի բողոքարկման նախնական լսումը:
2015թ.-ի հոկտեմբերի 15-ին ՄԻԵԴ Մեծ պալատը հաստատեց Ստորին դատարանի որոշումը:
Պատրաստեց` Անի Ասրյանը
