«Վախեցել եմ մյուս զինվորներին արթնացնել, վախեցել եմ որևէ բան անել՝ մտածելով, որ նույն բախտի կարժանանամ»,- ասում էր կուրսանտ Հայկազ Բարսեղյանի սպանության օրը նույն ննջասենյակում գտնված զինծառայողը:

«Գնելն ասաց` տանենք բալկոնից քցենք, ասեցին` կջոգեն, այդ ժամանակ Գնելն ասաց՝ եկեք կախենք, ոչ մեկ ձայն չհանեց». կուրսանտի սպանության գործը

Սպանված կուրսանտ Հայկազ Բարսեղյանի գործով այսօր դատարանում չորս միջնորդություն քննարկվեց, բայց դրանց հարցի լուծումը հետաձգվեց հաջորդ նիստին:

Տուժողի իրավահաջորդի ներկայացուցչի միջնորդությամբ քրեական գործին էին ծանոթացել և այսօր դատարան ներկայացել փորձագետներ Էլդա Աբրահամյան և Մարիամ Մեհրաբյանը:

Հարցաքննության ժամանակ նա հայտնեց, որ կուրսանտի մահը վրա է հասել մեխանիկական շնչահեղձությունից, կաոտրված է եղել ենթալեզվային ոսկորը, որը, ըստ տեսության, կարող էր լինել թե ձեռքով խեղդելու հետևանքով, թե կախվելու: Սակայն տվյալ պարագայում պարանոցին առկա ճմլման ակոսիկները առաջացել են մահից հետո, հետևաբար, մահն առաջացել է մինչ կախվելը:

Հիշեցնենք, ըստ մեղադրական եզրակացության` Գնել Թևոսյանին, Նորիկ Սահակյանին,Վաչե Սահակյանին և Մովսես Ազարյանին մեղադրանք է առաջադրվել այն բանի համար, որ նրանք 2015թ. հունվարի 29-ին առանձին դաժանությամբ, խուլիգանական դրդումներով սպանել են Հայկազ Արկադիի Բարսեղյանին: