Ինչո՞ւ իրավապահ մարմիններն այդպես էլ չի հաջողվում հարկադիր բերման ենթարկել Սյունիքի մարզպետ Սուրիկ Խաչատրյանի որդուն՝ Տիգրան Խաչատրյանին, այս հարցն այսօր լրագրողները տվեցին արդարադատության նախարար Հովհաննես Մանուկյանին. «Այստեղ քրեական հետապնդման մարմինների մասին է խոսքը, կարծում եմ, որ դուք պետք է ճիշտ մարմնի դիմեն: Իմ գնահատմամբ, շատ պարզ՝ ինչքան արդյունավետ աշխատեն քրեական հետապնդման մարմիններն, այնքան ավելի լավ»:
Այն հարցին, թե արդյոք անպատժելիության հետևանք չէ, որ մարզպետի ընտանիքը մշտապես հայտնվում է նմանաբնույթ իրավիճակներում, նախարարն ասաց. «Ես կոնկրետ գործը չեմ կարող մեկնաբանել, բայց անպատժելիությունը վատ բան է, այո»:
Ինչպես պայքարել անպատժելիության դեմ, հերթական հարցին՝ նախարարը պատասխանեց. «Միգուցե համաձայնվեմ ձեզ հետ, որ ինչ-որ կառույցներ այն արդյունավետությամբ չեն անում, որ պիտի անեին, միգուցե համաձայնվեմ, բայց «չեն անում» հարցադրմանը կտրականապես համաձայն չեմ»,- եզրահանգեց արդարադատության նախարարը:
