1999թ. հոկտեմբերի 27-ին Երեւանի Ազգային ժողովի նիստերի դահլիճում տեղի ունեցավ զանգվածային ահաբեկչություն։ Նաիրի Հունանյանի գլխավորությամբ կազմված մի խումբ զինված հանցագործներ ներխուժեցին խորհրդարան և գնդակահարեցին ՀՀ բարձրաստիճան պաշտոյաների և պատգամավորների: Պատահարի ընթացքում սպանվեց 8 մարդ և տասնյակ այլ անձինք վիրավորվեցին։ Հարձակումից հետո ահաբեկչական խումբը պատանդ էր վերցրել Ազգային ժողովի շուրջ 91 անձի (առավելապես պատգամավորներ, նաև նիստը լուսաբանող լրագրողներ ). Ահաբեկիչները պահանջում էին ուղղաթիռ և հեռարձակման ժամանակ հեռուստատեսությունում, սակայն շուրջ 30 ժամ տևած բանակցությունների  արդյունքում հանձվեցին և ազատեցին բոլոր պատանդներին։

Հարձակման հետևանքով զոհվեցին հետևյալ պետական ու քաղաքական գործիչները․

• Կարեն Դեմիրճյան – ՀՀ Ազգային ժողովի նախագահ

• Վազգեն Սարգսյան – Հայաստանի վարչապետ

• Յուրի Բախշյան – ԱԺ փոխխոսնակ

• Ռուբեն Միրոյան – ԱԺ փոխխոսնակ

• Լեոնարդ Պետրոսյան – ՀՀ օպերատիվ հարցերի նախարար

• Արմենակ Արմենակյան – ԱԺ պատգամավոր

• Միքայել Քոթանյան – ԱԺ պատգամավոր

• Հենրիկ Աբրահամյան – ԱԺ պատգամավոր

2003 թվականի դեկտեմբերին դատարանը  Նաիրի Հունանյանին և նրա հանցախմբի 5 անդամներին դատապարտեց ցմահ ազատազրկման, հանցախմբի ևս մեկ անդամ դատապարտվեց 14 տարվա ազատազրկման:

Ցմահ ազատազրկման դատապարտված Վռամ Գալստյանը հետագայում ինքնասպանություն գործեց, իսկ 14 տարվա ազատազրկման դատապարտված Համլետ Ստեփանյանը հանկարծամահ եղավ։