Հայաստանի Հանրապետության վարչապետ Նիկոլ Փաշինյանն այսօր ստորագրել է N 805-Ա որոշում, որով Կարեն Սեդրակյանն ազատվել է ՀՀ ջրային կոմիտեի նախագահի պաշտոնից:
Ինչպես Iravaban.net-ը տեղեկանում է ՀՀ կառավարությունից։ Որոշումը կայացվել է՝ ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով:
Համաձայն «Հանրային ծառայության մասին» օրենքի 9-րդ հոդվածի 7-րդ մասի՝ նախարարությանը ենթակա պետական մարմնի ղեկավարին համապատասխան նախարարի առաջարկությամբ նշանակում և ազատում է վարչապետը, եթե օրենքով այլ բան նախատեսված չէ: Այս հիմքով էլ իրականացվել է ջրային կոմիտեի նախագահի պաշտոնից ազատումը:
