Արցախի նախկին ղեկավարների փաստաբաններից շատերը այսօր Բաքվում շարունակված «դատավարության» ընթացքում միջնորդություն են ներկայացրել նրանց խափանման միջոցը տնային կալանքով փոխարինելու մասին, գրում են ադրբեջանական լրատվամիջոցները։
Բացառություն է կազմել Արայիկ Հարությունյանը, որը, ըստ տեղի աղբյուրների, հայտարարել է, որ տնային կալանք չի խնդրել, առողջական վիճակից բողոք չունի․ «Առողջական խնդիրները, եթե առաջանում են, լուծվում են մեկուսարանում»,-Արայիկ Հարությունյանի խոսքերն են մեջբերում լրատվամիջոցները։
Մյուս ամբաստանյալները որոշել են միջնորդությունների վերաբերյալ որոշումը թողնել դատարանի հայեցողությանը։ Հաջորդ դատական նիստը տեղի կունենա հունվարի 27-ին, որին կհրապարակվեն միջնորդությունների վերաբերյալ որոշումները։
Նշվում է, որ Դավիթ Բաբայանի պաշտպանը միջնորդել է իր պաշտպանյալի հետ կոնֆիդենցիալ հանդիպում անցկացնել, և որևէ առարկություն չի եղել։
