Sevan Startup Summit-ը ամենամյա վրանային բիզնես ֆորումը կրկին իր շուրջ է համախմբել նորարար ստարտափների, ձեռներեցների, ներդրողների և մենթորների ամբողջ աշխարհից:
Team Telecom Armenia-ն դարձել է այս միջոցառման տեխնոլոգիական գործընկերը՝ նպատակ ունենալով ոգեշնչելու երիտասարդ տաղանդներին և ամրապնդելու Հայաստանի դիրքը որպես տարածաշրջանային տեխնոլոգիական հանգույց:
Team Telecom Armenia-ի գլխավոր տնօրեն Հայկ Եսայանը ելույթ ունեցավ «էլեկտրոմոբիլների ապագան Հայաստանում. ինչպես պետք է
փոխել ենթակառուցվածքները» թեմայով։ Նա ներկայացրեց ընկերության նոր՝ Team Energy պրոդուկտը, որը կարելի է ասել՝ մեծ ընկերության ներսում դարձել է «ստարտափ»։
«Էլեկտրամոբիլների ապագան Հայաստանում կախված է ոչ միայն տեխնոլոգիաներից, այլև մեր պատրաստակամությունից՝ փոխելու ենթակառուցվածքները և մտածելակերպը: Team Energy-ի միջոցով մենք ձգտում ենք ստեղծել մի էկոհամակարգ, որտեղ էլեկտրամոբիլների օգտագործումը դառնում է ոչ միայն հնարավոր, այլև գերադասելի: Մեր նպատակն է ոչ միայն հեշտացնել էլեկտրամոբիլների օգտագործումը, այլև ձևավորել կայուն զարգացման մշակույթ»,- նշեց Team Telecom Armenia-ի գլխավոր տնօրեն Հայկ Եսայանը։
Սևանյան այս ֆորումը լուրջ դերակատարում է ունեցել Հայաստանում ստարտափ էկոհամակարգի ձևավորման և զարգացման գործում։ Այն վերջերս ձեռք է բերել միջազգային համբավ և անցկացվել Արաբական Միացյալ Էմիրություններում և Հնդկաստանում՝ Սիսայդ Ստարտափ Սամմիթ անվան ներքո։ Այս տարի Սամմիթի շրջանակում անցկացվեց Sevan EV Rally 2024–ը, որի մասնակից էլեկտրական ավտոմեքենաների լիցքավորումն իրականացվում էր հատուկ ավտովազքի համար տեղադրված Team Energy արագ լիցքավորման կայաններում։ Միջոցառման նպատակն էր ուշադրություն հրավիրել Սևանի էկոմիջավայրի վրա և խթանել էլեկտրամեքենաների տարածումը:
Sevan Startup Summit-ի տնօրեն Վահագն Ռափյանի խոսքով՝ նոր միջոցառումների անցկացմամբ իրենք փորձում են Սամմիթն ավելի ներառական դարձնել և նոր ինդուստրիաներ ներգրավել։ «Արդեն մի քանի տարի է, ինչ Team-ն աջակցում է մեզ և բավականին լուրջ ենթակառուցվածք ենք ստեղծել երկու տարվա ընթացքում՝ ապահովելով Wi-Fi ծածկույթ այս հսկայական տարածքում»,-ասում է նա։
Նշենք, որ Team Energy լիցքավորման 64 կայանների տեղակայված են Հայաստանի ողջ տարածքում։ Հավելվածն օգտագործում է օրական շուրջ 1000 մարդ, իսկ վերջին վեց ամսվա ընթացքում կրկնապատկվել է բաժանորդների կողմից կՎտ-ների օգտագործումը։ Լիցքավորման կայաններն ապահովում են մինչև 160 կՎտ հզորություն և նախատեսված են ցանկացած մակնիշի էլեկտրական մեքենաների համար: Team Energy հավելվածի միջոցով հնարավոր է գտնել մոտակա լիցքավորման կետերը, կատարել լիցքավորում և վճարել կցված քարտի միջոցով, իսկ եթե Team Telecom Armenia-ի բաժանորդ եք` նաև Team-ի հեռախոսահամարի հաշվեկշռից։ Հավելվածը հասանելի է App Store-ում և Play Market-ում:
Տելեկոմ Արմենիա ԲԲԸ-ն (ապրանքանիշը՝ Team Telecom Armenia) հայկական ընկերություն է, որը առաջատար դիրք է զբաղեցնում երկրի հեռահաղորդակցության և տեղեկատվական տեխնոլոգիաների ոլորտներում։ Հանդիսանալով Հայաստանում առաջին տելեկոմ ցանցի ժառանգորդը՝ ընկերությունը ունի ոլորտում ծառայությունների մատուցման ավելի քան 100 տարվա պատմություն։ Team-ը տրամադրում է բջջային և ֆիքսված ինտերնետի, թվային հեռուստատեսության, բջջային և ֆիքսված հեռախոսակապի ծառայություններ թե՛ անհատ, թե՛ կորպորատիվ բաժանորդներին։ Հայաստանի բոլոր բնակիչներին բարձրորակ հեռահաղորդակցության ծառայությունների մատուցումը Team Telecom Armenia-ի նպատակն է։ Դրան հասնելու համար ընկերությունն անընդհատ արդիականացնում ու վերազինում է բջջային և ֆիքսված ցանցերը, գործարկում նոր միջազգային կապուղիներ, որոնք նաև բարձրացնում են Հայաստանում ինտերնետի հուսալիության և անվտանգության մակարդակը։
