Այսօր՝ հունիսի 12-ին, ՀՀ ԱԺ ութերորդ գումարման յոթերորդ նստաշրջանի հերթական նիստի ժամանակ «Հայաստան» խմբակցության պատգամավոր Արծվիկ Մինասյանն անդրադառնալով ներկայացված Ոստիկանության գվարդիայի մասին օրենքի նախագծին, նշեց, որ քննարկման ժամանակ մի քանի առանցքային թեմաների է անդրադարձել, բայց պատասխանները վկայեցին՝ այդ հարցերն անորոշ են կամ հստակեցված չեն։

«Առաջինը վերաբերում է ներկայումս ոստիկանության կողմից հավաքների խաղաղ բնույթը չհիմնավորված, ոչ իրավաչափորեն միջամտելու դեպքերին, այն դեպքում, երբ Հավաքների մասին ազատության օրենքի 32-րդ հոդվածի երկրորդ մասի երկրորդ նախադասությունը հստակ է ամրագրում, որ եթե հավաքը խաղաղ բնույթ ունի, ապա ոստիկանությունն իր իրավասությունների սահմանում պարտավոր է աջակցել հավաքին։

Ի դեպ, քանի որ Նիկոլ Փաշինյանն էլ այստեղ է, ինքը 2018 թվականին այս նորմը շատ էր թափահարում և պահանջում էր ոստիկանությունից, որպեսզի այս նորմը պահեն, այն ներկայումս մասսայական ոտնահարվում է, և չկա որևէ գործուն մեխանիզմ այս նորմը պարտադրելու ոստիկանությանը»։

Մանրամասները՝ տեսանյութում։