Գեղարքունիքի մարզի Վարդենիս համայնքի Մեծ Մասրիկ բնակավայրի բնակիչներ Արմեն Մանուկյանի և Աննա Շաբոյանի ընտանիքում լույս աշխարհ է եկել ընտանիքի 9-րդ երեխան։ Այս մասին հայտնում են Գեղարքունիքի մարզպետարանից։
«Նորածինը տղա է, 2770 գրամ քաշով և 51 սմ հասակով։
Փոքրիկի ծնունդը գրանցվել է 2024 թվականի մայիսի 31-ին Գեղարքունիքի մարզի Վարդենիս համայնքի բժշկական կենտրոնի ծննդատանը։
Նորածինն ունի 2 եղբայր և 6 քույր»,-նշվում է հաղորդագրության մեջ։
