Բագրատ Սրբազան գլխավորությամբ քաղաքացիները քայլերթով Աբովյանից գալիս են Երևան։ Քայլերթի սկզբում նա շնորհավորեց բոլորին եռատոնի կապակցությամբ՝ նշելով, որ այդ հաղթանակները խլել են ժողովրդից, հենց այդ պատճառով էլ նրանք այսօր փողոցում են։
Նա կոչ արեց հանդարտ, կարգապահ, մտքով պատրաստ, առանց ինքնագործունեության քայլել դեպի Երևան․ «Մեր երթը շատ լուռա, հաստատ, ինքնավստահ, օրհնված, հաղթանակով»։
Նա նշեց, որ լրագրողների ոչ մի հարցի չի պատասխանելու, քանի որ գրաֆիկից հետ են մնում։
Տերունական աղոթքով երթը սկսվեց։ Կազմակերպիչները նշեցին նաև, որ մեքենաներով շարժվելու են դեպի Երևան, իսկ քաղաքում արդեն քայլելու են։
