Մանկական այգում գտնվող Behappy արենայում «Հայը կա» ՀԿ-ն Հայ Առաքելական Սուրբ Եկեղեցու Արարատյան Հայրապետական թեմի հետ համատեղ կազմակերպել էր Սուրբ Ծնունդի խորհուրդով միջոցառում։
«Քրիստոս Ծնավ և Հայտնեցավ.
Մեզ և Ձեզ Մեծ Ավետիս:
Այսօր Մանկական այգում գտնվող Behappy արենայում «Հայը կա» ՀԿ-ն Հայ Առաքելական Սուրբ Եկեղեցու Արարատյան Հայրապետական թեմի հետ համատեղ, կազմակերպել էր Սուրբ Ծնունդի խորհուրդով միջոցառում, որի ընթացքում Արցախի մեր հայրենակիցները հաղորդվեցին Քրիստոսի ծննդյան խորհուրդին, լսեցին հոգևոր երգեր, մասնակցեցին տոնական հյուրասիրության և ավելի քան 100 երեխա ստացավ տոնական նվերներ «Թափանցիկ Բարեգործություն» ՀԿ-ի կողմից:
Միջոցառման մասնակից երեխաները և նրանց ծնողները միասնական աղոթք հղեցին առ Աստված՝ խնդրելով Տիրոջ ողորմությունն ու շնորհը Հայի միասնության, առողջացման և փրկության համար և փաստեցին, որ Հայը կա, քանի իր մեջ Աստված կա և քանի որ Աստված կա, ապա մենք նույնպես կանք, պիտի լինենք ու դեռ շատանանք»։
