ՀՀ երկրորդ նախագահ Ռոբերտ Քոչարյանի նկատմամբ քրեական հետապնդումը դադարեցվեց՝ ոչ արդարացնող հիմքով, հայտնել է «Լուրեր»-ը։
Քոչարյանը մեղադրվում է գործարար Սիլվա Համբարձումյանից 3 միլիոն դոլար կաշառք ստանալու համար, այս գործով դեռևս մայիսին լրացել է վաղեմության ժամկետը, և նախորդ նիստին Քոչարյանը չի առարկել ոչ արդարացնող հիմքով իր նկատմամբ քրեական հետապնդումը դադարեցնելու դեմ։
Ավելի վաղ Քոչարյանի պաշտպանները քիչ հավանական էին համարել, որ Քոչարյանը որոշի չառարկել դադարեցնել քրեական հետապնդումն առանց արդարացման հասնելու։ Թե ինչ փոխվեց՝ «Լուրերի» այս հարցին Քոչարյանն այդպես էլ չպատասխանեց ու հեռացավ դահլիճից։
