Հայաստանի վարչապետ Նիկոլ Փաշինյանի երեկվա ուղերձը պարունակում է Մոսկվայի դեմ անընդունելի արտահայտություններ և չի կարող ժխտումից բացի այլ բան առաջացնել, հայտնում է ՌԴ ԱԳՆ-ն։ Գրում է РИА Новости-ն։
«Ակնհայտ է, որ փորձ է արվում ազատվել ներքին և արտաքին քաղաքականության մեջ ձախողումների պատասխանատվությունից՝ մեղքը բարդելով Մոսկվայի վրա»,- նշվում է հաղորդագրությունում։
Ասվում է, որ Հայաստանի կառավարության ղեկավարը, ըստ էության, խոստովանեց, որ այս ամբողջ ընթացքում Երևանում միտումնավոր շրջադարձ էին պատրաստում՝ ի դեմ Մոսկվայի։
«Նրանց քայլերը, որոնք կոչված են ստեղծելու Հայաստանի զարգացման նոր, արևմտյան վեկտոր, ոչ համոզիչ կերպով հիմնավորվում են Ռուսաստանի Դաշնության և ՀԱՊԿ-ի ենթադրյալ սխալներով», – հավելել է ԱԳՆ-ն։
Սմոլենսկի հրապարակում նշվեց, որ իշխանությունների դրդմամբ իսկական հակառուսական քաոս է սկսվել հայկական լրատվամիջոցներում։
Հիշեցնենք, որ վարչապետ Նիկոլ Փաշինյանը սեպտեմբերի 24-ին հանդես եկավ հայտարարությամբ։
