Ադրբեջանի մարդու իրավունքների հանձնակատար (օմբուդսմեն) Սաբինա Ալիևան այցելել է Ադրբեջանի կողմից ՀՀ տարածքից առևանգված հայ երկու զինծառայողներին՝ Հարություն Հովակիմյանին ու Կարեն Ղազարյանին։ Այս մասին գրում է Minval.az-ը։
Նշվում է, որ նրանք չեն բողոքել պահման և բուժման պայմաններից։
Հիշեցնենք, որ մայիսի 26-ին` ադրբեջանական լրատվամիջոցները, ապա Ադրբեջանի սահմանապահ ծառայությունը ապատեղեկատվություն տարածեցին այն մասին, թե իբր հայկական կողմը դիվերսիոն ներթափանցման փորձ է կատարել, ձերբակալվել են ՀՀ ԶՈՒ 2 զինծառայողներ:
ՀՀ պաշտպանության նախարարությունից հայտնեցին, որ մայիսի 26-ի՝ ժամը 19:00-ից որոնվող, մարտական հենակետեր սնունդ մատակարարող ՀՀ ԶՈՒ 2 զինծառայողներն են Հարություն Յուրիկի Հովագիմյանը և Կարեն Աշոտի Ղազարյանը, որոնք առևանգվել են հակառակորդի կողմից:
