Երևան քաղաքում՝ մայիսի 17-ի ցերեկը սպասվում է առանց տեղումների եղանակ։ Մայիսի 18-19-ին, 22-ի երեկոյան հնարավոր է, 20-21-ին սպասվում է կարճատև անձրև և ամպրոպ։ Ամպրոպի ժամանակ՝ քամու ուժգնացում՝ 13-15 մ/վրկ արագությամբ։ Այս մասին հայտնում են Հիդրոօդերևութաբանության և մոնիթորինգի կենտրոնից։

Հանրապետության տարածքում` մայիսի 17-ի ցերեկը, 18-ին, 22-ին առանձին շրջաններում, 19-21-ին շրջանների զգալի մասում սպասվում է կարճատև անձրև և ամպրոպ, մայիսի 20-21-ին առանձին հատվածներում՝ ինտենսիվ։

Մայիսի 18-19-ին առանձին հատվածներում հնարավոր է մառախուղ, մայիսի 18-22-ին՝ նաև կարկուտ։

Քամին՝ հարավարևմտյան 2-5 մ/վրկ, ամպրոպի ժամանակ սպասվում է քամու ուժգնացում՝ 15-20 մ/վրկ արագությամբ:

Օդի ջերմաստիճանը մայիսի 17-19-ին աստիճանաբար կբարձրանա 3-5 աստիճանով, 20-21-ին ցերեկային ժամերին կնվազի 5-7 աստիճանով։