ՌԴ ԱԳՆ-ն կարծում է, որ հիմքեր կան պնդելու, որ ԱՄՆ քաղաքականությունն ուղղված է Ռուսաստանի ազգային անվտանգության խաթարմանը։
«Բոլոր հիմքերը կան պնդելու, որ ԱՄՆ-ի քաղաքականությունն ուղղված է Ռուսաստանի ազգային անվտանգությանը խարխլելուն, ինչն ուղղակիորեն հակասում է Ռազմավարական հարձակողական սպառազինությունների մասին պայմանագրի նախաբանում ամրագրված հիմնարար սկզբունքներին և ըմբռնումներին, որոնց վրա հիմնված է պայմանագիրը և առանց որոնց այն չէր կնքվի։
Փաստորեն, խոսքը գնում է հանգամանքների արմատական փոփոխության մասին՝ համեմատած այն հանգամանքների հետ, որոնք կային Ռազմավարական հարձակողական սպառազինությունների մասին պայմանագրի ստորագրման ժամանակ»,- ասվում է նախարարության կայքում տեղադրված հայտարարության մեջ։
