Զապորոժիեի ԱԷԿ-ում կանխվել է ահաբեկչություն, որը Կիևը նախապատրաստում էր գարնանից։ Այս մասին գրում է РИА Новости-ն։
«Զապորոժիեի ատոմակայանում ահաբեկչություն է կանխվել, որի պատվիրատուն Կիևի իշխանություններն էին»,-նշել է «Մենք Ռուսաստանի հետ ենք» շարժման նախագահ, Զապորոժիեի շրջանի վարչակազմի գլխավոր խորհրդի անդամ Վլադիմիր Ռոգովը։
Նրա խոսքով, ըստ առկա տեղեկությունների, Ուկրաինան գարնանից պայթյուն է նախապատրաստում. ատոմակայանի տարածքում հայտնաբերվել է պայթուցիկներով պահոց, որը թողել էին Ուկրաինայի զինված ուժերը՝ դեռ փետրվար-մարտ ամիսներին։
«Դիվերսիայի նպատակը ատոմակայանը Էներգոդարի հետ կապող ջեռուցման մայրուղին ոչնչացնելու ցանկությունն էր՝ դրանով իսկ այս ձմռանը քաղաքի բնակչությանը թողնելով առանց ջերմության»,- ասել է աղբյուրը։
—————
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
Ռուսաստանի Դաշնությունում սեպտեմբերի 21-ին մասնակի զորահավաք է հայտարարվել։
