Արտգործնախարար Արարատ Միրզոյանը պնդում է՝ Ադրբեջանը կամ Ադրբեջանի ներկայացուցիչները չեն առաջարկում ունենալ ճանապարհ, որը կուննա նույն կարգավորումները ինչ Լաչինի միջանցքը, ի պատասխան Sputnik Արմենիայի դիտարկմանը, որ Թուրքիայի արտգործնախարարը հայտարարել է, որ Ադրբեջանը իրավացիորեն ասում է, որ Լաչինի միջանցքը և Զանգեզուրի միջանցքը պետք է ունենան նույն կարգավիճակը, Միրզոյանը նշեց․
«Եթե պարոն Չավուշօղլուն իր կողմից այս կոմպոնենտն է մտցնում բանակցություններում, ապա լավ կլինի իր անունից ասի։ Կրկնում եմ՝ Ադրբեջանը այդպիսի բան չի ասում և չի էլ կարող իրավացիորեն որևէ կողմ այդպիսի բան պնդել»,- ասաց ՀՀ ԱԳ նախարարը։
Միրզոյանը հիշեցրեց 2020թ.-ի նոյեմբերի 9-ի և 2021թ.-ի հունվարի 11-ի եռակողմ հայտարարությունները, որտեղ խոսք է գնում Լաչինի միջանցքի և տարածաշրջանի տրանսպորտային և տնտեսական ենթակառուցվածքների ապաշրջափակման մասին։
Ադրբեջանի և Նախիջանի նոր կապուղու վերաբերյալ մեր դիրքորոշումը մենք հայտնել ենք, այն չի փոփոխվել՝ բոլոր ճանապարհները պետք է գործեն, այդ թվում գործող և ենթադրաբար նոր կառոցվողները։ Կգործեն այն երկրների սուվերենության և օրենսդրության ներքո, որոնց տարածքում, որ անցնում են»։
