Առինջի Կոլյա Ծառուկյանի անվան միջնակարգ դպրոցի տնօրենը, ուսուցչական կոլեկտիվն ու ծնողները վրդովված են համացանցում տարածված լուրերից, թե ուսուցչի տոնի առթիվ դպրոցում դրամահավաք է կազմակերպվել։
«Որպես Առինջի Կոլյա Ծառուկյանի անվան միջնակարգ դպրոցի տնօրեն՝ հավաստիացնում եմ, որ դպրոցում երբեք պարտադրանքով կամ հորդորներով դրամահավաք չի կազմակերպվել, որովհետև դպրոցը ոչնչի կարիք չունի, գտնվում է Գագիկ Ծառուկյանի հոգածության ներքո․ եթե դպրոցում առաջանում են ինչ-որ խնդիրներ, առանց նույնիսկ մեր կողմից բարձրաձայնելու, դրանք շատ արագ իրենց լուծումն ստանում են»,- շեշտում է դպրոցի տնօրենը։
Ուսուցիչները նույնպես ընդգծում են՝ դպրոցում նման բարքեր չկան, դրամահավաք կազմակերպելու կարիք չունեն։
