ՀՀ քաղաքաշինության կոմիտեի նախկին նախագահ Վահագն Վերմիշյանն այսօրվա դատական նիստից հետո տեղափոխվում է «Էրեբունի» բժշկական կենտրոն։
«Դատական նիստից հետո Վահագն Վերմիշյանի ինքնազգացողությունը կտրուկ վատացել է, շտապ օգնության բրիգադը Վ.Վերմիշյանին տեղափոխում է Էրեբունի ԲԿ»,- հայտնում է Վերմիշյանի պաշտպան Ալեքսանդր Կոչուբաևը։
Հիշեցնենք՝ այսօր ավելի վաղ պաշտպանը տեղեկացրել էր, որ դատական նիստերի դահլիճում Վահագն Վերմիշյանի ինքնազգացողությունը վատացել էր և դատական նիստը ընդմիջվել էր:
Հիշեցնենք, որ Վերմիշյանը կալանավորվել է առանձնապես խոշոր չափի կաշառք ստանալու գործով։
