Ուկրաինայի առաջին տիկին Ելենա Զելենսկայան ԱՄՆ Կոնգրեսում իր ելույթի ժամանակ ներկա ամերիկացի օրենսդիրներից զենք է խնդրել։
«Ես զենք եմ խնդրում ոչ թե օտար հողում պատերազմ մղելու, այլ մեր տունն ու այդ տանը կենդանի արթնանալու իրավունքը պաշտպանելու համար»,- ասել է Ուկրաինայի նախագահի կինը։
«Օգնեք մեզ դադարեցնել այս ահաբեկչությունը ուկրաինացիների դեմ, և դա կլինի մեր մեծ ընդհանուր հաղթանակը հանուն կյանքի, ազատության և երջանկության ձգտման», – ավելացրել է նա:
