Երևանի քաղաքապետ Հրաչյա Սարգսյանը երկու արձանագրություն է ստորագրել, որոնց համաձայն ավագանու երկու անդամի լիազորություններ դադարեցվել են։
Քաղաքապետի կողմից փետրվարի 23-ին ստորագրված արձանագրության մեջ ասվում է․
«Հիմք ընդունելով «Երևան քաղաքում տեղական ինքնակառավարման մասին» օրենքի 20-րդ հոդվածի 1-ին մասի 6-րդ կետը և 4-րդ մասը՝ դադարեցնել Իմ քայլը կուսակցությունների դաշինքի Երևան քաղաքի ընտրական ցուցակով ընտրված Երևան քաղաքի ավագանու անդամ Հեղինե Մուրադյանի՝ ավագանու անդամի լիազորությունները:
Հրաչյա Սարգսյանի մարտի 4-ին ստորագրած արձանագրության մեջ ասվում է․
«Հիմք ընդունելով «Երևան քաղաքում տեղական ինքնակառավարման մասին» օրենքի 20-րդ հոդվածի 1-ին մասի 6-րդ կետը և 4-րդ մասը՝ դադարեցնել Իմ քայլը կուսակցությունների դաշինքի Երևան քաղաքի ընտրական ցուցակով ընտրված Երևան քաղաքի ավագանու անդամ Ռուբեն Հարությունյանի՝ ավագանու անդամի լիազորությունները»։
Իրավաբան.net-ը հայտնում է, որ «Երևան քաղաքում տեղական ինքնակառավարման մասին» օրենքի 20-րդ հոդվածով սահմանված են ավագանու անդամի լիազորությունների վաղաժամկետ դադարեցման, դադարելու դեպքերը։
Ըստ հոդվածի 1-ին մասի 6-րդ կետի՝ Հեղինե Մուրադյանը և Ռուբեն Հարությունյանը հրաժարական են տվել։
