Հաշվի առնելով Ադրբեջանի Հանրապետության դատախազության կողմից Արցախի Հանրապետության նախագահին պատասխանատվության ենթարկելու մասին տարածած հաղորդագրությամբ պայմանավորված, հասարակության շրջանում առաջացած մտահոգությունը, ԱՀ ազգային անվտանգության ծառայությունը վստահեցնում է, որ ծառայությունը ի զորու է ապահովելու բոլորի անվտանգությունը:
Արցախի ԱԱԾ հաղորդագրության համաձայն խոսքը ինչպես պետական պաշտոնատար անձանց անվտանգության՝ ի դեմս հանրապետույթյան նախագահի, այնպես էլ Արցախի Հանրապետության յուրաքանչյուր քաղաքացու և Արցախ այցելած անձանց անվտանգության մասին է:
Ադրբեջանի գլխավոր դատախազությունը ավելի վաղ հայտարարել էր, որ Արցախի Հանրապետության նախագահ Արայիկ Հարությունյանը շուտով կկալանավորվի և կհանձնվի հետաքննությանը, վերջինիս նկատմամբ Ադրբեջանում հարուցվել է քրեական գործ, հայտարարվել հետախուզում:
