Փետրվարի 17-ին, ժամը 06:47-ին Կոտայքի մարզային ճգնաժամային կառավարման կենտրոն ահազանգ է ստացվել, որ Կամարիս գյուղի վերջնամասում այրվում է անասնագոմի տանիք. ներսում կան խոշոր եղջերավոր կենդանիներ։
Այս մասին հայտնում են Արտակարգ իրավիճակների նախարաությունից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Հայտարարվել է հրդեհի բարդության Թիվ 2 կանչ․ դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ։
Պարզվել է, որ հրդեհը բռնկվել է Կամարիս գյուղի «Բիո Կամարիս» ՍՊԸ-ին պատկանող թռչնանոցում։
Հրդեհը մեկուսացվել է ժամը 08։27-ին, մարվել՝ 09։55-ին։ Այրվել են թռչնանոցի տանիքի փայտե կառուցատարրերը և առաստաղը (մոտ 500 քմ), կենցաղային իրեր և տեխնիկական սարքավորումներ, անկել է մոտ 650 թև թռչուն։
