Առողջապահության նախկին նախարար, «Քաղաքացիական պայմանագիր» խմբակցության պատգամավոր Արսեն Թորոսյանը ֆեյսբուքյան իր էջում գրել է․
«Կապանի ԲԿ տնօրեն Կարեն Մելքոնյանը նույնպես 44 օր չքնեց իր ամբողջ անձնակազմի և տասնյակ այլ օգնության ժամանած բուժաշխատողների հետ, որպեսզի մեր տասնյակ զինվորներ փրկվեն։
Պատերազմից անմիջապես հետո նա ձեռնամուխ եղավ ԱՄՆ մեր գործընկերների կողմից Հայաստանին նվիրաբերված և առողջապահության նախարարության կողմից Կապանի ԲԿ-ին հանձնված համակարգաչային տոմոգրաֆի տեղադրմանը և գործարկմանը, որը շուտով նաև արդիականացվելու է: Համակարգչային տոմոգրաֆիկ ծառայություն մինչ այդ Կապանում չկար:
Կապանի ԲԿ-ում շուտով նաև կգործարկվի Սյունիքի մարզում միակ մագնիսա–ռեզոնանսային տոմոգրաֆիկ բաժանմունքը, որը կրկին մինչ այս պահը առկա չէր մարզում և պացիենտները դրա համար ստիպված Երևան էին ուղևորվում: Այս պայմանավորվածությունը ձեռք էր բերվել մեր օտարերկրյա գործընկներների հետ մոտ երկու տարի առաջ, երբ համանման բաժանմունք էր բացվում Գյումրիի ԲԿ-ում:
Ճանաչենք մերօրյա հերոսներին։
Հ.Գ. նկարները արված են 44-օրյա պատերազմի ժամանակ Կապանի ԲԿ-ում»:
![May be an image of 4 մարդ, people standing, ներսում և հիվանդանոցը](https://scontent.fevn12-1.fna.fbcdn.net/v/t39.30808-6/256847088_444378717043700_6645718778963198938_n.jpg?_nc_cat=103&ccb=1-5&_nc_sid=730e14&_nc_ohc=J5kZ97zA6mAAX_V16tB&_nc_ht=scontent.fevn12-1.fna&oh=f2a0ad3809e9e91c4085c980283a85e2&oe=61948721)
![May be an image of 8 մարդ և people standing-ը](https://scontent.fevn12-1.fna.fbcdn.net/v/t39.30808-6/256815534_444378763710362_7306155371218582853_n.jpg?_nc_cat=100&ccb=1-5&_nc_sid=730e14&_nc_ohc=gMRpoOT9kHkAX-325k6&_nc_ht=scontent.fevn12-1.fna&oh=e4185a0b240b829c9c1850ab74757e1e&oe=6192EACC)