Վարչապետի պաշտոնակատար Նիկոլ Փաշինյանը, Ազգային ժողովի փոխխոսնակ Ալեն Սիմոնյանի, ԱԺ «Իմ քայլը» խմբակցության ղեկավար Լիլիթ Մակունցի, Տարածքային կառավարման և ենթակառուցվածքների նախարարի պաշտոնակատար Սուրեն Պապիկյանի հետ այսօր՝ մայիսի 29-ին, հանդիպում է Նորք Մարաշ վարչական շրջանում իր համակրների, «Քաղաքացիական պայմանագիր» կուսկացության անդամների հետ։
Նա խոսեց նախակրթարանների, բոլոր երեխաներին մանկապարտեզներում կրթությամբ ապահովելու խնդրի մասին։
«Մանկապարտեզների, նախակրթարանների ուսուցիչ-դաստիարակները պետք է ունենան որակավորում։ Երկար ժամանակ մենք այսօր մանկապարտեզներում ու նախակրթարաններում ունենք բազմաթիվ բարձր որակի մասնագետներ, բայց մենք հիմա չունենք մի իրավիճակ, որ բացառել ենք ոչ պատշաճ որակի մասնագետների մուտքը նախակրթարան»,-ասաց Փաշինյանը։
Վարչապետի պաշտոնակատարը նշեց, որ այս աշխատանքի ու աշխատակիցների վերաբերյալ պետք է վերաբերմունք փոխել։ Նրա խոսքով՝ մարդիկ մտածում են՝ դե մանկապարտեզ է, բարեկամի աղջկան ընդունեմ աշխատանքի, գնա-գա, տնից դուրս գա և այլն․ «Էս վերաբերմունքից պետք է դուրս գալ, որովհետև, եթե պրոֆեսիոնալ հմտություն չունեցող պրոֆեսիոնալն է շփվում երեխայի հետ, դա երեխայի հասուն տարիքում ունենում է իր արտահայտությունը, պարտադիր ու այն նեգատիվ է»։
Նիկոլ Փաշինյանը նաև նշեց, որ եթե տեսնեն, որ որևէ մեկը երեխայի նկատմամբ բռնություն է գործադրում կամ երեխային վատ խորհուրդ է տալիս՝ դա ոչ ոք չի հանդուրժի, բայց մյուս կողմից էլ պետք է ապահովել, որ նախակրթարաններում, մանկապարտեզներում լինեն որակյալ ուսուցիչ-դաստիարակներ։
«Սրա համար մենք գործարկում եմ պարտադիր ատեստավորման մեխանիզմը։ Ասում ենք, որ բոլոր այն ուսուցիչ-դաստիարակները, որոնք այսօր աշխատում են նախակրթարաններում, պետք է ատեստավորվեն, ընդ որում՝ ով ատեստավորվեց՝ իրենց աշխատավարձերը պետք է բարձրանան՝ 30-50 տոկոսով»,-նշեց Փաշինյանը։
Իսկ նրանք, ովքեր որակավորում չեն անցնի, ևս 2 անգամ հնարավորություն կտրվի մասնակցելու ատեստացիային ու բարձրացնել աշխատավարձը։
Եթե 3-րդ անգամ էլ չստացվի՝ կօգնեն, որ այլ աշխատանք գտնի՝ նշելով, որ կներեք, բայց մենք մեր երեխաներին չեքն կարող Ձեզ վստահել։
