«Շենգավիթ» բժշկական կենտրոնից հայտնում են․ «Եվս մեկ արցախցի։ Այս անգամ գեղեցկուհի Լեան՝ 3700 գրամ, 51 սմ հասակով։ Լեայի հայրը սահմանին է ՝ կյանքի ու մահվան սահմանագծին, հանուն մեր բոլորի խաղաղության»։
Նշենք, որ երեկ մի փոքրիկ արդեն իսկ դուրս է գրվել ծննդատնից։
«Հաղթելու ենք, ոչ միայն զենքով, այլ նաև ժպիտով»։ Ահա այս կարգախոսով տուն ուղեկցեցինք օրեր առաջ ԼՂՀ Հադրութի շրջանի Ուխտաձոր գյուղից 21-ամյա Հերմինե Հարությունյանին և նրա առաջնեկ Արայիկին։ Արայիկ Մանասյանը ծնվել է 3 կգ 650գրամ քաշով և 50 սմ հասակով մանկաբարձ-գինեկոլոգ Ռուբեն Թևոսյանի օգնությամբ: Այսօր նրան եկել էին տուն տանելու Արցախցի Երևան տեղափոխված հարազատները։
Խաղաղ երկինք ու առողջ մանկություն բոլոր մանուկներին»:
