2020-ից միջազգային ու հանրապետական օլիմպիադաներում մեդալ ստացած բոլոր աշակերտներն անվանական կրթաթոշակ կստանան։ Այդ մասին ասվում է կառավարության ֆեյսբուքյան էջում:
«ՀՀ կրթության, գիտության, մշակույթի և սպորտի նախարարությունը եռապատկել է կրթաթոշակների բյուջեն՝ այն դարձնելով 35 միլիոն դրամ»,-ասվում է գրառման մեջ:
Հիշեցնենք, որ 2019-ի օգոստոսին Հայաստանի դպրոցականների թիմը 2 արծաթե և 3 բրոնզե մեդալ է նվաճել օգոստոսի 2-9-ը Հունգարիայի Կեստհեյ քաղաքում անցկացված «Աստղագիտութուն» առարկայից միջազգային 13-րդ օլիմպիադայում:
2019-ի հուլիսին Ֆրանսիայի մայրաքաղաք Փարիզում հուլիսի 21- 30-ն անցկացված քիմիայի 51-րդ միջազգային օլիմպիադայում, որին մասնակցել են 80 երկրի մոտ 300 աշակերտ, Հայաստանի թիմը նվաճել է 1 բրոնզե մեդալ և 2 գովասանագիր։
