Հայաստանի հանրապետական կուսակցությունը կորցրել է ժողովրդի վստահությունը և վերջինիս կողմից որևէ անձի առաջադրումը վարչապետի պաշտոնում անընդունելի է և պետք է կանխվի․ այս մասին գրառում է կատարել ԱԺ պատգամավոր, «Լուսավոր Հայաստան» կուսակցության անդամ Մանե Թանդիլյանը։
«Ժողովրդի հաղթանակը` ժողովրդին.
Նիկոլ Փաշինյանը միայն կարող է այն կապիտալիզացնել:
Այսօր ժամը 11:00-ին Լուսավոր Հայաստան կուսակցությունը կլինի հանրապետության հրապարակում և կմասնակցի համաժողովրդական շարժման գործընթացին»,-գրել է նա։
«Հանրապետություն» կուսակցության տարածած հայտարարության մեջ ասվում է․ «Պայքարի այս փուլում, երբ դրված է Հայաստանի ինքնիշխանության եւ անկախության հարցը, «Հանրապետություն» կուսակցությունն իր բոլոր ուժերով եւ հնարավորություններով մասնակցելու է բողոքի ակտիվ գործողություններին»։
Էդմոն Մարուքյանը, ով այս պահին մասնակցում է երթին, հայտարարեց, որ իրենք վարչապետի իրենց թեկնածու են առաջադրում Նիկոլ Փաշինյանին։ «Մեզ պետք է ընդամենը 53 ձայն»,-ասաց նա։
