Հացադուլ անող ուսանողները հեռախոսազրույց են ունեցել լրագրողների հետ: Նրանց խոսքով՝ հացադուլը դեռ շարունակվում է ու նրանք չեն պատրաստվում նահանջել:
Արդեն լրացավ հացադուլի 24 ժամը. «Մենք լավ ենք, ոչնչի կարիք չունենք», -նշում են ուսանողները:
Ուսանողներից Դավիթը հայտնեց, որ նրանց հետ ոչ ոք մինչև հիմա չի կապվել:
Հիշեցնենք, որ այսօր դասադուլի 7-րդ, իսկ հացադուլի՝ 2-րդ օրն է:
Ազգային ժողովն այսօր՝ նոյեմբերի 15-ին, «Զինվորական ծառայության և զինծառայողի կարգավիճակի մասին» օրենքի նախագիծը երկրորդ ընթերցմամբ ընդունեց: Նախագծին կողմ է քվեարկել 86 պատգամավոր, դեմ` 6:
