Երեկ կառավարության նիստին պաշտպանության նախարար Վիգեն Սարգսյանը ներկայացրել էր 2 նոր օրենքների նախագծեր, այն է` «Պաշտպանության մասին» և «Զինվորական ծառայության և զինծառայողի կարգավիճակի մասին» օրենքների նախագծերը:
Նախարարը նշեց, որ «Զինվորական ծառայության մասին» օրենքի նախագիծը նպատակ ունի համապատասխանեցումներ՝ Սահմանադրության հետ և նոր քաղաքականության համար իրավական հիմք ապահովել:
Կվերանայվի զորակոչի կազմակերպման կարգը: Օրինակ, նախատեսվում է վերացնել տնից առնվազն 150 կմ հեռու ծառայելու պահանջը, որը ժամանակին ներդրվել էր կարգապահության ապահովման նպատակով:
«Քանի որ մենք դա այժմ շատ արդյունավետ կազմակերպում ենք վիճակահանությամբ, ուստի որևէ պատճառ չկա, թե ինչու նույն վիճակահանությամբ քաղաքացին չպետք է տանն ավելի մոտիկ գտնվող զինվորական ծառայություն անցնի: Դա մենք վերացնում ենք որպես խնդիր, քանի որ դա որևէ խնդիր չի լուծում»,- ասաց Վիգեն Սարգսյանը:
