«Ո՛չ թալանին» քաղաքացիական նախաձեռնության անդամներից Վաղինակ Շուշանյանն իր ծննդյան 24-ամյակի կապակցությամբ արծաթե կազմով Աստվածաշունչ է նվեր ստացել ոստիկանապետ Վլադիմիր Գասպարյանից:
Իրավաբան.net-ի հետ զրույցում Վաղինական ասաց, որ նվերը ստացել է հունիսի 25-ին` էլեկտրէներգիայի սակագնի թանկացման դեմ ցույցի ժամանակ` Բաղրամյան պողոտայում. «Երբ ես բարիկադների վրա կանգնած էի, ոստիկանական պատից այն կողմ կանգնած ոստիկանապետը ինձ մոտեցավ, շնորհավորեց և հանձնեց Աստվածաշունչը»:
Իսկ այն հարցին, թե արդյո՞ք ոստիկանապետի հետ մտերիմ հարաբերություններ ունի, Վաղինակը պատասխանեց. «Ոչ, սա զուտ ծննդյան նվեր է, ոչ ավելին»:
Ռոզա Վարդանյան
