Հաճախ մարդ հայտնվելով տարբեր անելանելի իրավիճակներում՝ստիպված է լինում հատուցել պարտքը ունեցած գույքով։ Այս դեպքում հարց է առաջանում, որքանով է ապահովագրված ամուսինների ընդհանուր սեփականություն հանդիսացող գույքը բռնագրավումից։
ՀՀ օրենքի 32-րդ հոդվածի համաձայն ամուսիններից մեկի պարտավորություններով բռնագանձում կարող է տարածվել միայն այդ ամուսնու գույքի նկատմամբ։ Այդ գույքն անբավարար լինելու դեպքում պարտատերն իրավունք ունի պահանջելու ամուսինների ընդհանուր սեփականության մեջ պարտապան ամուսնու հասանելիք բաժնի առանձնացումը՝ դրա նկատմամբ բռնագանձում տարածելու համար:
Ամուսինների ընդհանուր գույքի նկատմամբ բռնագանձումը տարածվում է ամուսինների ընդհանուր պարտավորություններով։ Եթե դատավճռով հաստատվել է, որ ամուսինների ընդհանուր գույքը ձեռք է բերվել կամ ավելացել է ամուսիններից մեկի կողմից հանցավոր ճանապարհով ձեռք բերված միջոցների հաշվին, ապա բռնագանձումը կարող է տարածվել համապատասխանաբար ամուսինների ընդհանուր համատեղ գույքի կամ դրա մի մասի վրա:
Իրենց երեխաների պատճառած վնասի համար ամուսինների պատասխանատվությունը որոշվում է քաղաքացիական օրենսդրությամբ սահմանված կարգով։ Այդ դեպքում ամուսինների գույքի նկատմամբ բռնագանձումը կատարվում է ամուսինների ընդհանուր համատեղ գույքից կամ դրա մի մասից։
Հասմիկ Գևորգյան
Իրավաբան.net-ի հանրային թղթակից
Որքանո՞վ է ապահովագրված ամուսինների ընդհանուր սեփականությունը բռնագրավումից
![](/banner/iravaban-net_840x90.png)
![](https://iravaban.net/wp-content/uploads/2012/08/%D5%BD%D5%A5%D6%83%D5%A1%D5%AF%D5%A1%D5%B6%D5%B8%D6%82%D5%A9%D5%B5%D5%B8%D6%82%D5%B6-235x176.jpg)