Աբովյանի քաղաքապետի թեկնածուներից Արթուր Հարությունյանի եղբայրը` Հուսիկ Հարությունյանը և ևս երկու անձ այսօր բերման են ենթարկվել ոստիկանություն, ենթարկվել են փորձաքննության և ազատ են արձակվել. այս մասին Իրավաբան.net-ին հայտնեցին ոստիկանությունից:
Հուսիկ Հարությունյանն ու ևս երկու անձիք բերման են ենթարկվել` թմարնյութերի օգտագործման կասկածանքով: Իսկ այն հարցին, թե արդյո՞ք այդ կասկածանքը փարատվել է, ոստիկանությունից հայտնեցին, որ դեռևս փորձաքննության արդյունքները հայտնի չեն:
Ոստիկանությունից հերքեցին այն լուրը, թե բերման է ենթարկվել նաև Արթուր Հարությունյանը:
Նշենք, որ Արթուր Հարությունյանը Աբովյան քաղաքում հունիսի 7-ին կայանալիք քաղաքապետի ընտրությունների թեկնածուներից մեկն է: Թեկնածությունը ներկայացնելուց հետո նրան հեռացրել են իշխող Հայաստանի Հանրապետական կուսակցությունից:
