Ապրիլի 7-ի առավոտյան մի քաղաքացի ոստիկանության Էրեբունու բաժնում հաղորդում էր տվել, որ գիշերը, ժամը 3-4-ն ընկած ժամանակահատվածում «Ռոսիա» տոնավաճառի դիմացի կանգառում ոմն Միշո բացահայտ հափշտակել է իր մատանին, ժամացույցը, 8.000 դրամը, բջջային հեռախոսը և դիմել փախուստի: Այս մասին տեղեկանում ենք ոստիկանությունից:
Ոստիկանության Երևան քաղաքի վարչության և Էրեբունու բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ Միշոն 1983 թ. ծնված Միխայիլ Հ.-ն է, ով ապրիլի 20-ին, ժամը 18-ին, Մ. Խորենացու փողոցից բերման է ենթարկվել բաժին: Նա ձերբակալվել է: Կատարվում է քննություն:
