.png)
Հնդկաստանում ուսուցիչը ձերբակալվել է 11 ամյա աշակերտին սպանելու մեղադրանքով: Բանն այն է, որ դպրոցի ուսուցիչն աշակերտին հարվածներ է հասցրել, մեկ այլ աշակերտի մատիտը և ռետինը գողանալու համար: Այս մասին գրում է Daily Mail-ը:
Ռայլամաու գյուղի դպրոցի ուսուցիչը՝ Լալիտ Վերմանը, Շիվայի պայուսակում գտնելով մեկ այլ աշակերտին պատկանող գրենական պիտույքները, հարձակվել է տղայի վրա ու հարվածներ հասցրել նրան:
Շիվան ստամոքսի շրջանում ցավեր է ունեցել, իսկ արդեն տանը տղան սկսել է արյուն փսխել: Ծնողները շտապ օգնություն են դիմել: Հիվանդանոցում Շիվայի վիճակը վատթարացել է և նա մահացել է:
Վերմանի նկատմամբ սպանության մեղադրանք է առաջադրվել: Վերջինս հարցաքննվել է: Ուսուցիչը խոստովանել է, որ մի քանի անգամ հարվածել է տղային:
Դատաբժիշկները այժմ փորձում են պարզել մահվան պատճառը: Ոստիկանության նախնական տեղեկություններով տղայի մոտ ներքին արնահոսությունն է առաջացել, ինչն էլ կարող է մահվան պատճառը հանդիսանալ:
Իրավապահների հետագա գործողությունները կախված են դատաբժշկական փորձաքննության արդյունքներից:
Պատրաստեց` Լիլիթ Գասպարյանը
