Աշխատանքի և սոցիալական հարցերի նախարար Արսեն Թորոսյանը շնորհավորել է Անկախության տոնի առթիվ։
«Այսօր նշում ենք մեր Անկախության տոնը՝ հաստատված խաղաղության պայմաններում։ Օգոստոսի 8-ին ստորագրված Խաղաղության հռչակագիրը մի նոր էջ է բացել ոչ միայն մեր պետության, այլև ողջ տարածաշրջանի ժողովուրդների համար, ինչն իր հերթին մեր պետությանը տալիս է իրապես անկախ, ինքնիշխան ու բարեկեցիկ երկիր լինելու բոլոր հիմքերը։
Պետության անկախությունը ամրապնդվում է մեր բոլորիս ամենօրյա աշխատանքով, աշխատող, արարող քաղաքացիների կողմից վճարվող հարկերով, որոնք էլ ծառայեցվում են սոցիալական, կրթական, անվտանգային և այլ ոլորտներում Հայաստանի Հանրապետության շարունակական զարգացումն ապահովելու համար:
Շնորհավորում եմ բոլորիս: Կեցցե՜ Հայաստանի Հանրապետությունը»,- ասված է շնորհավորական տեքստում։
Ինչպես iravaban.net-ը տեղեկանում է նախարարի սոցիալական էջից, Արսեն Թորոսյանը երեկ կայացած ընտրության արդյունքում վերընտրվել է «Քաղաքացիական պայմանագիր» կուսակցության վարչության անդամի պաշտոնում։
