Բարերար, գործարար, «Տաշիր» ընկերությունների խմբի ղեկավար Սամվել Կարապետյանի եղբայրը՝ Կարեն Կարապետյանը, իրենց պատկանող առանձնատան դիմաց հավաքված մարդկանց հորդորեց չկանգնել տան դիմաց․ «Մտեք ներս, ստեղ ոչ մեկ չկանգնի, ձեզ էլ կձերբակալեն։ Դավայ-դավայ, բոլորը հայաթ ու ոչ մի գործողություն չանեք»։
Լրագրողների հետ զրույցում նա ասաց, որ հիմա պահը պատեհ չի, անհրաժեշտության դեպքում ինքը կխոսի։
«Մեր ընտանիքը բազմիցս է թիրախավորվել, բայց ինչպես տեսնում եք՝ ոտքի վրա կանգնած ենք։ Մենք ոչ մի բանից չենք վախենում, դա հաստատ իմացեք։ Ես իրա մակարդակի մարդ չեմ, որ իր բառապաշարով խոսեմ, ես դասատուի տղա եմ»,-ասաց նա։
